ആരോപണങ്ങളില്‍ പരിഭ്രാന്തരായ യുഡിഎഫിനെയാണ് ഇപ്പോള്‍ കാണുന്നതെന്നും, ലീഗ് അഴിമതിയും വര്‍ഗീയതയും വളര്‍ത്താനാണ് അധികാരം ഉപയോഗിക്കുന്നതെന്നും വിജയരാഘവന്‍. തദ്ദേശ തിരഞ്ഞെടുപ്പില്‍ ഇടതുപക്ഷത്തിന് മികച്ച മുന്നേറ്റമുണ്ടാവുമെന്നും അദ്ദേഹം കൂട്ടിച്ചേര്‍ത്തു.
തെളിവുകള്‍ കിട്ടുന്നത് അനുസരിച്ചാണ് സര്‍ക്കാര്‍ നടപടികള്‍ സ്വീകരിക്കുന്നത്. അതിനുള്ള നടപടികള്‍ സ്വീകരിക്കും ചെന്നിത്തലയ്ക്ക് എതിരെ ബാര്‍കോഴ കേസില്‍ വിജിലന്‍സ് അന്വേഷണം പ്രഖ്യാപിച്ചതിനെ ന്യായീകരിച്ചു കൊണ്ട് എ.വിജയരാഘവന്‍ പറഞ്ഞു. മുസ്ലീം ലീഗ് ജമാഅത്തെ ഇസ്ലാമിയുടെ രാഷ്ട്രീയ ശിഷ്വത്വം സ്വീകരിച്ച് മത മൗലിക വാദത്തിലേക്ക് അടുക്കുകയാണ്. മുസ്ലീം ലീഗിന്റെ രണ്ട് എംഎല്‍എമാര്‍ അറസ്റ്റ് ചെയ്യപ്പെട്ട് കഴിഞ്ഞു. അഴിമതിയെ ന്യായീകരിക്കാന്‍ ആണ് ലീഗിന്റെ ശ്രമം. യു.ഡി.എഫും ബിജെപിയും കേന്ദ്ര ഏജന്‍സികളും ചേര്‍ന്നുള്ള സഖ്യത്തെ തുറന്നു കാണിക്കുമെന്നും വിജയരാഘവന്‍ പറഞ്ഞു. തെറ്റ് ചെയ്യാത്തതിനാല്‍ ഭയപ്പെടേണ്ടതില്ല. ആ നിര്‍ഭയത്വമുള്ള നേതാവാണ് പിണറായി വിജയന്‍. കേന്ദ്ര ഏജന്‍സികളെ മുഖ്യമന്ത്രി സ്വാഗതം ചെയ്തത് സത്യം കണ്ടെത്താനാണെന്നും എ.വിജയരാഘവന്‍ കൂട്ടിച്ചേര്‍ത്തു
0 അഭിപ്രായങ്ങള്‍